SIMENZI E SIMINZARI - Poesia di Carmelo Nicita

A QUANNU A QUANNU MI VINNI MI SIMINU
A POSTU DI FURMENTU MI CRISCIU LINU.
A ZUPPA E ZAPPA E CU LU CAPU CHINU
SPAGGHIAI LA SIMENZA DI DU PRISUNTU RANU
SUBITU MACCORSI DI LU RAGGIRU STRANU
LI SIMINZARI AMMUCIUNU…..LI SPINI DI LU PRUNU?
MA JO’ CHI SIMINAI…N’TA STU ARATU GHIANU?
ORBU FU U ME CORI… MA DI SICURU SANU..
NON SUGNU CERTU SPICCHIU DU STISSU MANNARINU.
ARRETI A LA CANNIZZA… NON BUGGHI U ME TIANU
VARDATI CU SCUCCHIARA E RIDI DI LUNTANU.
I LUPI FANNU A CURSA PI METIRSI LU LINU
E PI SPAGGHIARI PIDDU E PURBILI I VILENU.
ALL’UMBRA DI LU TRONU……SI SPAGGHIA ANCORA RANU…
MA NUI LU SAPEMU..A PAGGHIA NON E’ FRENU.
LU SIMINZARU IN CAPU PIRDIU LU TIRRENU
N’TA STANZA DI BUTTUNI NON GHIOMMIRA LA MANU
STU SPICCHIU I MANNARINU..NON SAPI STARI BONU
E VA CIRCANNU ANCORA L’ORARIU DU TRENU
PI RINCHIANARI A TEMPU A FRANNINARI LINU.
MAI CHIU’ A CAPU CHINU…E MANCU CHIU’ SIMINU…
A LUNBRA E DI LUNTANU…ZAPPU U ME GIARDINU.
NON SUGNU NATU A MERICA…NON VEGNU DI MILANU
CANUSCIU E SACCIU TUTTU……..DI TUTTI E DI OGN’UNU.
PAISI MIU CARISSIMU..TU GHIAMILU DISTINU
SI L’ACQUA DI LI BUTTI NON DIVINTAU VINU
JO’ TI DICU INVECI..NON C’ENTRA LU DISTINU…
NON C’ENTRA MANCU U LINU…..
C’ENTRA SULU U CORI…RUSSATU DI LU CRINU…
TRA TANTU PUNCI PUNCI….
LU MALAMURI CRISCI RUVETTA NTA LI MANU….
E NUI LI GHIANTAMU NTA OGNI GNUNI I GHIANU
E NI SCURDAMMU U LINU E NI SCURDAMMMU U RANU.
LA GENTI PARRA E GHIACCHIRA ALL’UMBRA DI LU PINU
I LUPI INVECI ASCUTUNU VISTUTI DI PARRINU.
POURU PAISI SI CARNI DI TIANU
SULU I FURISTERI TI DESURU NA MANU.
JO’ PARRU DI N’DUVINU…. E VITU ASSAI LUNTANU
CURAGGIU PAISEDDU…CA CANCIA LU DISTINU.
NTA TROPPI CORI CRISCI LA VERA SPIGA I RANU
E TU LA SAI NUTRIRI D’AMURI PAISANU.

CARMELO AGATINO NICITA 27/08/2007